Тохирлын тэмдгийн үндсэн шалгуур үзүүлэлтүүд

• 2 ба түүнээс дээш эзэмшигчтэй компанийн хувьд нийт энгийн хувьцааны 50-с дээш хувийг нь нэг буюу түүнээс дээш тооны эмэгтэй эзэмшдэг байх

• Нийт ажилтны 50-с дээш хувийг эмэгтэйчүүд эзэлдэг байх

• Дэд захирал, алба хариуцсан захирал, ахлах мэргэжилтэн зэрэг удирдлагын багийн дийлэнх хувийг эмэгтэйчүүд бүрдүүлдэг байх

• Эмэгтэй удирдлага нь компанид хамгийн өндөр гэж тодорхойлогдсон албан тушаалыг  хашдаг байх;  Жишээ нь: Гүйцэтгэх захирал, Ерөнхийлөгч, Удирдах зөвлөлийн дарга гэх мэт

Хүсэлт гаргасан байгууллагын баримт бичгийн багцад дараах мэдээллийг оруулна:

   - Байгууллагын улсын бүртгэлийн гэрчилгээ /файл буюу зургаар/;

   - Байгууллагын удирдлага, бүтэц зохион байгуулалтын зураглал;

   - Хувьцаа эзэмшигч, гүйцэтгэх захирал, удирдлагын багийн эмэгтэй гишүүний иргэний үнэмлэхийн хуулбар /файл буюу зургаар/;

   - Бизнесийн үйл ажиллагааг илтгэсэн танилцуулга /бүтээгдэхүүн, үйлчилгээний талаарх зурагт мэдээлэл/;

   - Компани, аж ахуйн нэгжийн бүтэц, зохион байгуулалт, нэгжийн удирдлагыг бүрдүүлэгч эмэгтэйчүүдийн тоо, хүйсийн харьцаа /жижиг дунд болон өрхийн бизнес эрхлэгчдэд заавал шаардахгүй;/

   - Компанийн дүрмийн улсын бүртгэлд бүртгүүлсэн тамгатай хэсэг /хуулбарыг баримтжуулсан/.

 

Баталгаажуулалтын үйл явц

Баталгаажуулах үйл ажиллагааг дараах үе шатуудаар явуулна:

- Хүсэлт, өргөдөл гаргах

- Үнэлгээ хийх

- Дүн шинжилгээ, шийдвэр гаргах

- Тохирлын гэрчилгээ олгох, бүртгэх

- Магадлах хяналт хийх